Author Topic: Izolohen në shtëpitë e tyre japonezët-Tokio ngjan me shkretëtirë... (Read 1777 times)

Mistery · « **on:** March 15, 2011, 04:39:15 PM »

-Rritet temperatura e reaktorëve 5 dhe 6 në Fukushima 1

-U mbyllën krejt shkollat në perimetrin 120 km nga centrali bërthamor

-40 herë më shumë nga normali është rritur niveli i radioaktivit

-“Ruani qetësinë” thotë kryeministri i Japonisë-Dërgoi SMS tek të gjithë japonezët

Makthi nuk ka fund.Shpërthimet e reaktorëve vijnë njëra pas tjetrës,ndërsa të shumta janë pyetjet nëse janë të njoftuar plotësisht qytetarët për gjendjen që mbizotëron në vend.Japonezët janë tashmë shumë të shqetësuar dhe tmerrin po e shprehin tashmë nëpërmjet internetit,vend ku mund te përcjellin drejtpërdrejt shqetësimin e tyre.

Mistery · « **Reply #1 on:** March 15, 2011, 04:40:32 PM »

Panik në Tokio

Paniku triumfon në Tokio pas rritjes së nivelit të radioaktivitetit pranë centralit bërthamor në Fukoshima,ku ka patur shpërthime të reja mëngjesin e sotëm.Shumë banorë nxituan të braktisin kryeqytetin e Japonisë,ndërsa shumë të tjerë kanë marrë produktet e nevojshme dhe janë mbyllur në shtëpitë e tyre,duke vulosur edhe dritaret.

Shumë ambasada kanë rekomanduar punonjësit e tyre dhe qytetarët e vendeve të tyre që të mos qarkullojnë në zonat e prekura ,shumë turistë pezulluan fluturimet e tyre për në Japoni ,ndërsa kompani ndërkombëtare njoftuan punonjësit e tyre që të largohen nga Japonia.

Gazetarë të mediave ndërkombëtare kanë braktisur punën e tyre dha janë larguar nga Japonia.

“Rrezatim i ulët” radioaktivi u gjet në orët e para të mëngjesit në kryeqytetin e Japonisë Tokio,njofton agjencia e lajmeve Kyodo,duke cituar si burim qeverinë.

Në atmosferë është gjetur jodio dhe ezium,por nuk është ende e qartë nëse kjo lidhet me shkatërrimin e centralit bërthamor në verilindje të vendit.

Gjithashtu agjencia e lajmeve bën fjalë se në Saitama,afër Tokios,niveli i radioaktivitetit që është gjetur,është 40 herë më i lartë se niveli i lejuar.

Shqetësim të madh ka sjellë edhe rritja e temperaturës në reaktorët 5 dhe 6 të centralit bërthamor në Fukushima 1.Në momentin e tëmetit,në këta rektorë bëheshin punime dhe nuk ishin në funksion.Sipas specialistëve,rritja e temperaturës mund të vijë si pasojë e çrregullimit të sistemit ftohës.

Mesazh dramatik i kryeministrit të Japonisë

Kryeministri japonez i bëri thirrje popullit të ruajë qetësinë ,në momentin kur zëvëndësi i qeverisë Yukio Entao pranoi se “nivelet e radioaktivitetit në zonën e dëmtuar nga reaktorët,mund të shkaktojnë dëm në jetën e njeriut.”

Rreth zonës së rrezikut,në perimetrin prej 20 km,janë evakuuar të gjithë njerëzit dhe sipas kryeministrit Kan,nuk duket që të ketë rrezik për përhapje të ndotjes nga radioaktivi.

Ai kërkoi nga qytetarët që të mos dalin jashtë,të mbyllen nëpër shtëpitë e tyre,të mbyllin dritaret dhe të mos veshin rroba që i kanë veshur jashtë.

Mistery · « **Reply #2 on:** March 15, 2011, 04:41:11 PM »

Pezullohen fluturimet drejt dhe mbi Japoninë

Siç u bë e ditur,nga dita e sotme pezullohen të gjitha fluturimet mbi Japoninë,në zonat që janë gjetur rreze radioaktiviteti,ndërsa disa kompani kanë anoluar fluturime nga dhe drejt japonisë.

Kompania Air China ka anoluar fluturimet e saj nga Pekini për në Shangai dhe Tokio për sot në mesditë dhe sot pasdite.

KeLi 27d · « **Reply #3 on:** March 16, 2011, 10:55:55 AM »

Le te shpresojm se nuk do te kemi nje cernobil te dyte

AlbStars · « **Reply #3 on:** March 16, 2011, 10:55:55 AM »

AlbStars