Author Topic: Ja se çfarë duhet të përmbaje CV-ja e bukurisë tuaj (Read 114 times)

Enkelana M · « **on:** April 07, 2009, 10:27:35 PM »

Ja se çfarë duhet të përmbaje CV-ja e bukurisë tuaj

Kushtojini rëndësi look-ut tuaj dhe qëndroni të freskëta gjatë dites duke ndjekur udhëzimet e estetistëve. Ndriçimi i fortë, ajri i kondicionuar dhe 1000 fjalë në minutë, të gjitha këto ndikojnë në lodhjen e një dite të zakonshme pune. Por qe pamja juaj duhet të qëndrojë e freskët dhe të mos tregojë shenja lodhjeje, ja se çfarë duhet të përmbajë CV-a e bukurisë tuaj:

Fytyra
Ju duhet një fondatinë e cila do të qëndrojë për një kohë të gjatë në fytyrën tuaj. Ekzistojnë shumë lloje të mira fondatinash, që e ruajnë efektin deri në 16 orë. Për faqet ju duhet të përdorni ngjyra të lehta, sa për t’i dhënë pak shkëlqim fytyrës suaj. Zgjidhni më mirë një pudër, sesa një krem, pasi ka mundësi që ky i fundit të fshihet apo të përthithet totalisht nga lëkura juaj.

Sytë
Përdorni ngjyra natyrale që sytë të mos duken të mbingarkuar. Përdorni një rimel i cili është jetëgjatë dhe i reziston ujit. Rimeli është i rëndësishëm dhe ju nevojitet një produkt i cili ju nxjerr në pah tiparet, por jo sy të mëdhenj si arinjtë Panda.

Buzët
Shmangni lapsat e buzëve dhe shkëlqyesit e tyre, zgjidhni një buzëkuq të mirë, i cili do t’i mbajë buzët e hidratuara gjatë gjithë ditës dhe do t’ju japë një ngjyrë të mirë. Përdorni buzëkuqet në të cilat ekzistojnë disa ngjyra të bukura neutrale dhe që janë të pasura me kolagen, i cili ndihmon në fryrjen e buzëve.

Thonjtë
Thonjtë e lyer nuk japin një pamje të mirë. Mbajini thonjtë të shkurtër dhe të rregullt, duke përdorur një shkëlqyes në ngjyrë natyrale, që forcon dhe mbron strukturën e thonjve.

Parfumi
Mos u mbingarkoni. Zgjidhni një aromë të lehtë, që është e freskët dhe natyrale.

Flokët
Flokët kanë rëndësi të madhe në krijimin e një look-u elegant dhe profesional. Gjithmonë kushtojini pak kohë flokut tuaj për ta stiluar si duhet, edhe pse nuk keni kohë ta lani përditë. Mbani një stil të thjeshtë dhe të lehtë për ta stiluar dhe kujdesuni që forma e tyre të jetë gjithmonë e rregullt. Përdorni produkte të cilat u japin flokëve shkëlqim dhe një pamje të shëndetshme.

AlbStars · « **on:** April 07, 2009, 10:27:35 PM »

AlbStars