Author Topic: Lajmet nga teknologia (Read 5861 times)

Vera™ · « **Reply #30 on:** June 03, 2008, 10:12:39 PM »

iPhone 2 do të jetë edhe më i hollë, thonë thashethemet

Ka mbetur edhe një javë deri në konferencën WWDC të Applet në të cilën, siç supozohet, do të paraqitet iPhone-i i ri, e thashethemet janë bërë me bollëk. Të gjitha gjërat konsolidohen rreth disa funksioneve të reja, mirëpo informatat e fundit të pakonfirmuara pohojnë se iPhone 2 do të jetë edhe më i hollë se versioni i parë i tij.

Leander Kahney nga faqja e internetit Cult of Mac pohon se ka marrë specifikat e sakta të iPhonet të ri. Nëse i kthehemi iPhonet të fundit, shumica e thashethemeve të tilla kanë qenë krejt të pasakta, prandaj na mbetet vetëm të presim për të kuptuar të vërtetën.

Sido që të jetë, Cult of Mac pohon se iPhone i ri do të ketë mbështetje për 3G, GPS, dy herë më shumë memorie (16 GB në modelin më të dobët dhe 32 GB në atë më fuqishëm), se do të jetë 22 për qind më i hollë dhe do të ketë më shumë kohëzgjatje të baterisë.

Të gjitha këto nuk duken edhe aq interesante, mirëpo është interesant pohimi se iPhone i ri do të jetë më i lirë dhe do të kushtoj gjithsej 200 dollarë amerikanë dhe se Apple do të humb para në vet harduerin, por do të kompensojë humbjet në parapagimin mujor. Nëse kjo ndodhë edhe në të vërtetë, nuk do të ankohemi shumë.

Vera™ · « **Reply #31 on:** June 04, 2008, 01:23:26 PM »

Harrojeni miun e kompjuterit

Nga gjiganti softuerik, Microsoft, më në fund kanë arritur pak më shumë informata mbi versionin e radhës të sistemit të tyre operativ. Pra, Windows 7 do të ketë mbështetje për aplikacionet touch screen, të cilat do të paraqesin alternativë për udhëheqjen me mi.

Opsioni i dedikuar për ekranet e ndjeshme në prekje, është vetëm një pjesë shumë e vogël e mundësive të reja të cilat i sjellë Windowsi i ri, derisa aftësitë e tij në një konferencë për media i ka demonstruar një nga punëtorët, i cili me ndihmën e Windowsit dhe prekjes nëpër ekran ka zmadhuar dhe zvogëluar fotografitë dhe ka lëvizur nëpër hartën interaktive të San Diegos.

Bill Gates vlerëson se ky është evolucion i cili do t’i lirojë shfrytëzuesit nga nevoja për përdorimin e miut dhe mënyrës së navigimit të tillë në të ardhmen – sot i tërë navigimi me kompjuter zhvillohet me ndihmën e miut dhe tastierës, derisa në të ardhmen rolin kyç do të duhej ta kishin ekranet e tilla të ndjeshme në prekje dhe në të folur.

Versioni i ri i Windows do të duhej të paraqitej në treg në fund të vitit 2009

Vera™ · « **Reply #32 on:** June 06, 2008, 11:31:28 PM »

BE-ja e brengosur për mungesën e adresave IP në internet

Numri i adresave të protokollit të internetit (Internet protocol - IP) pothuajse ka arritur maksimumin e tij, ka tërhequr vëmendjen Bashkimi Evropian.
Adresa IP, e cila është e domosdoshme për tu qasur në internet, në version e saj të tanishëm IPv4 përmban vargun e katër numrave nga 0 deri në 255, të ndarë me pika, e cila identifikon secilin kompjuter të qasur në rrjetin global të internetit.

Për shkak të rritjes jashtëzakonisht të shpejtë të shfrytëzuesve të internetit, për 290 për qind gjatë periudhës 2000 deri më 2008, sipas të dhënave të faqes ndërkombëtare të internetit për statistikat e rrjetit kompjuterik "Internet World Stats" – Komisioni Evropian vlerëson se të gjitha adresat tjera në dispozicion do të përdoren deri në vitin 2011.

Komisioni Evropian, si organ ekzekutues i BE-së, mu për këtë vlerëson se është e nevojshme që shpejt të kalohet në protokollin IPv6, që është normë e re për identifikimin e kompjuterit në rrjetin global, me më shumë numra

Vera™ · « **Reply #33 on:** June 06, 2008, 11:32:33 PM »

Firefox i afrohet pjesëmarrjes prej 20 për qind

Lufta në tregun e shfletuesve të internetit definitivisht po nxehet, mirëpo si qëndrojnë gjërat aktualisht, fituesit më të mëdhenj janë Firefox dhe Safari nga Apple, derisa humbësi i vetëm në këtë fushë duket të jetë Internet Explorer i Microsoftit.
Të dhënat më të reja të analistëve nga Net Applications tregojnë se pjesëmarrja e Firefoxit në tregun e shfletuesve gjatë muajit maj të këtij viti ka qenë 18.41 për qind, që është një rritje prej 0.65 për qind për dallim nga muaji paraprak.

Shfletuesi tjetër, ai Safari nga Apple në të njëjtën periudhë kohore është ngritur në përqindjen e pjesëmarrjes prej 6.25 për qind, derisa një muaj më herët ka ‘numëruar’ 5.81 për qind.

I vetmi humbës në këtë periudhë kohore është Internet Explorer i cili ka humbur 1.08 për qind shtesë dhe sipas Net Applications përmban 73.75 për qind të tregut.

Firefox depërtimin e tij më të madh në treg e ka shënuar para dy vitesh qëkur popullariteti po i rritet vazhdimisht, derisa pikërisht në atë kohë ka filluar ‘rënia përfundimtare’ e Internet Explorerit. Në fakt, shfletuesi më i pranishëm i internetit para dy vitesh ka pasur pjesëmarrje, sipas të dhënave të kësaj kompanie analitike, madje 84.1 për qind të tregut dhe qysh prej atëherë kjo shifër nga muaji në muaj po bie.

Siç raportojnë në Net Applications, kufirin prej 20 për qind të pjesëmarrjes në treg Firefox do të mund të kalojë në fund të këtij muaji, duke marrë parasysh se në mesin e muajit qershor nga tabori i Mozillas do të duhej të paraqitej versioni final i shfletuesit të internetit Firefox 3. Dje, më 4 qershor, është paraqitur Firefox 3 RC2 i cili deri më tani është kandidati më i përafërt me versionin përfundimtar të Firefoxit.

Sa u përket vizitorëve të telegrafi.com, megjithatë Internet Explorer mbetet dominues me 84.46 %, i përcjellë nga Firefox me 14.22 % derisa Safari mbetet me përqindje të ulët prej 0.61 %

Vera™ · « **Reply #34 on:** June 06, 2008, 11:33:44 PM »

Nokia E71, fjala e fundit e teknologjisë

Flasim sërish për teknologji dhe luks. Nëse është vendosur zyrtarisht paraqitja e modelit më të ri nga Nokia E71, fjala e fundit e teknologjisë kompania finlandeze Nokia e cila është gati të prezantojë në publik modelin e ri E71. Ky është smartphone me tastierë QWERTY i cili logjikisht është fjala e fundit e teknologjisë dhe dizajnit të punuar me detaje. Me përmasa 112 x 57 x 10 milimetra, celulari është i pajisur me një fotokamera 3.2 megapixel, lidhje Wi-Fi, marrës GPS dhe lexues MP3 dhe radio. Çmimi nuk është bërë ende publik. (INFOSOT)

Vera™ · « **Reply #35 on:** June 07, 2008, 07:40:18 PM »

Arrijnë disqet me 20.000 rrotullime

Evolucioni i disqeve të forta disi ka rënë në gjumë gjatë viteve të fundit: për një kohë të gjatë në shumicën e kompjuterëve të tavolinës (desktop) gjenden disqet të cilët kanë 7.200 rrotullime në minutë, derisa entuziastët dhe profesionistët shfrytëzojnë ata prej 10.000 rrotullimesh. Mirëpo depërtimi çdo ditë e më i madh i SSD-së në treg i ka shtyrë prodhuesit drejt inovacioneve të reja.

Sipas informacione ende të pavërtetuara, kompania Western Digital është duke punuar në diskun e fortë, disqet magnetike e të cilit do të rrotullohen hiç më pak se 20.000 herë në minutë.

Detajet janë bukur të paqarta për momentin, mirëpo flitet se këto disqe do të jenë të ngjashme me modelin e ri të WD-së Velociraptor, i cili në realitet është disk 2.5 inçësh në shtëpizë 3.5 inçëshe. Ajo që është më e mira, disqet e reja të cilët janë dy herë më të shpejtë, do të duhej të ishin shumë të qetë, në të cilën gjë dyshojmë, por edhe nuk mund ta vërtetojmë dyshimin derisa ta dëgjojmë me veshët tonë

Vera™ · « **Reply #36 on:** June 07, 2008, 07:42:50 PM »

Paraqitet Nokia E90 e dekoruar me diamante

Celulari i fundit në serinë Communicator të Nokias prej tani e tutje është edhe më i adhuruari. Natyrisht, vetëm për një numër të caktuar të shfrytëzuesve të cilët për këtë variant me diamante janë të gatshëm të ndajnë një shumë të theksuar të parave.
Qysh kur i është paraqitur publikut, në muajin shkurt të vitit të kaluar, Nokia E90 tërheq vëmendjen e njerëzve të dashuruar në pajisjet smartphone. Kësaj here në ballafaqim me këtë top model të Nokias ka vendosur të merret edhe dizajnuesi austriak.

Studioja e Aloissonit paraqet versionin me diamant të Nokias E90, të dekoruar me 408 diamante të përpunuara në mënyrë të përsosur dhe disa shtojca aty-këtu prej 18-karatësh. Sa i përket anës teknike, pajisja ka mbajtur karakteristikat e saj bazike, formën mbyllëse, tërë tastierën, mundësitë e shumta multimediale dhe lidhjet e tjera.

Krejtësisht e pritur, versioni me diamant i Nokias E90 e ka çmimin e lartë prej hiç më pak se 52.000 euro.

Vera™ · « **Reply #37 on:** June 10, 2008, 01:17:54 PM »

iPhone 2.0 WWDC 2008

Sapo ka mbaruar WWDC 2008 dhe pas shume te rejash, surpriza iPhone 3G ne me shume shtete.

Gjysem cmimi per versionin 8GB 199$Dollar per versionin me 16GB 299$Dollar.

Nqs doni me shume info vizitoni http://www.apple.com/hotnews/

Vera™ · « **Reply #38 on:** June 11, 2008, 10:12:27 AM »

Nokia E66 dhe E71 arrijnë së shpejti!

Djelmoshat nga Nokia në faqet zyrtare të kompanisë kanë publikuar, e më pas kanë tërhequr, demonstrimin për dy pajisjet krejtësisht të reja. A është ky një tentim i tërheqjes së vëmendjes nga iPhone, i cili do të mund të paraqitet shpejt, apo rastësi, nuk e dimë.

Dy modelet të cilat janë paraqitur janë shumë interesante, por jo edhe të mjaftueshme për të përzier planet e Applet. Bëhet fjalë për modelet afariste E66 e E71, të cilët nga aspekti softuerik janë shumë të ngjashëm, derisa dallimi më i madh është sepse E71, sikurse edhe vëllai i tij i madh E70, ka tastierë QWERTY..

Për fat të keq, pos asaj që edhe vet mund të shihni në fotografi, nuk kemi arritur të marrim specifika tjera precize, sepse Nokia ka tërhequr të gjitha informacionet mbi këto dy pajisje. Megjithatë, pasi që demonstrimi i tyre ka qenë i kompletuar mund të pritet që Nokia shumë shpejt të paralajmërojë këto modele, prandaj edhe do të mësojmë edhe karakteristikat e plota.

Vera™ · « **Reply #39 on:** June 11, 2008, 10:13:13 AM »

SHBA: Superkompjuteri më i shpejtë në botë

Shkencëtarët amerikanë e kanë promovuar superkompjuterin më të shpejtë në botë.

Makina e kompanisë IBM, e quajtur Roadrunner, është në gjendje të bëjë 1 bilionë (1 mijë miliardë) kalkulime në sekondë dhe është dy herë më e shpejtë se superkompjuteri më i shpejtë aktualisht në botë.

Makina do të instalohet në Laboratorin Kombëtar në Los Alamos, dhe kryesisht do të përdoret për t'i monitoruar stoqet bërthamore në Shtetet e Bashkuara.

Kompjuteri gjithashtu do të shfrytëzohet për kërkime në astronomi, gjenomikë dhe ndryshimet klimatike.

Roadrunner ka në vete komponentë, të cilët fillimisht ishin dizajnuar për të famshmin Sony PlayStation 3

Vera™ · « **Reply #40 on:** June 13, 2008, 11:06:34 PM »

Tetë megapikselë në telefon celular

Kanë rrjedhë informatat se Sony Ericsson së shpejti do të mund të paraqes celular rrëshqitës i cili do të ketë kamerë të integruar me rezolucion prej 8.1 megapikselash.

Emri i ri i Sony Ericssonit të ri, i cili sipas thashethemeve të pavërtetuara do të duhej të publikohej më 17 të këtij muaji, është C905, derisa lista e mundësive të tij është aq e gjerë saqë tingëllon pak si tepër mirë.

Siç edhe e përshkruan shenja në emërtim, bëhet fjalë për fotoaparat Cybershot, e këtë e konfirmon edhe kamera me rezolucion prej 8.1 megapikselë – që është edhe më së shumti që është integruar deri më tani në ndonjë celular. Kamerës i janë bashkuar edhe blici ksenon për fotografi dhe foto-ndriçim për incizimin e video dosjeve. Fotoaparati nuk mbetet aspak prapa pajisjeve tjera të pavarura CyberShot sipas teknologjive që mbështet, prandaj këtu gjenden Face Detection, stabilizimi i fotografisë, largimi automatik i ngjyrës së kuqe nga sytë dhe Smart Contrast.

Fotografitë dhe filmat e punuar me C905 pronarët e ardhshëm do të mund t’i shfletojnë në ekranet me rezolucion prej 240 x 320 piksela, por edhe në televizorë, falë daljes së integruar TV. Fotoaparati mbresëlënës digjital nuk është gjëja e vetme me të cilin C905 do të mund të krenohej, celulari do të duhet të posedojë pranues GPS dhe adapter WiFi.

Duket se Nokia N95 më në fund do të bëhet me një konkurrent të fuqishëm, mirëpo do të përmbahemi nga gjykimi i fundit derisa nuk të kemi marrë specifikat e plota për të.

Vera™ · « **Reply #41 on:** June 13, 2008, 11:11:54 PM »

DELL zbulon detajet e laptopit të vet ultraminiatural

Tregu i laptopëve ultraminiatural po bëhet çdo ditë e më i pasur, derisa pas disa varianteve të EeePC-ve, pajisjeve të holla të këtij lloji si ai MacBook Air nga Apple apo Lenovo X300, në garë është përfshirë edhe Dell.[/COLOR]

Kah fundi i muajit të kaluar ju kemi informuar për laptopin miniatural të vërejtur nën dorën e njeriut të parë të Dell-it, Michael Dell. Siç po del, bëhej fjalë për pajisjen e emëruar Dell E.

Pajisja është paraqitur në dy variante - Dell E me ekran prej 8.9 inçësh, i cili ka për qëllim të konkurrojë me atë Eee 900 të kompanisë Asus dhe 12.1-inçëshi Dell E Slim, i cili megjithatë vë në shënjestër pjesë të tregjeve të cilët i sundojnë MacBook Air e[/B]

Të gjitha modelet mund të blihen në variantet Windows apo Linux, do të përmbajnë procesorin Diamondville të Intelit, RAM sipas dëshirës së shfrytëzuesve, derisa do të jetë e mundur të zgjidhen edhe disa variante të hapësirës së dhënave flash. Çmimi fillestar i Dell E nis nga 299 dollarë.

Vera™ · « **Reply #42 on:** June 13, 2008, 11:13:32 PM »

Projektor mobil për iPhone

Është e vërtetë se iPhone ka ekran të madh, mirëpo kur dëshironi të shikoni ndonjë film me shoqërinë, ky ekran nuk do të jetë i mjaftueshëm as për ju, e lëre më për ata. Prandaj këtu është projekti mobil me ndihmën e të cilit do të mund të kënaqeni me të vërtetë me përmbajtjet video, të cilat i keni ruajtur në iPhone.

Pajisja e kompanisë Honlai quhet QingBar MP101 dhe punon krejtësisht thjeshtë: kyçni iPhone (apo iPod Touch) në të dhe ajo punon. Me të vjen edhe dizajni i shkëlqyeshëm, prandaj kjo pajisje do të duket shumë bukur në tavolinën tuaj, dhe është në pajtueshmëri me kërkesat e mëdha të produkteve të kompanisë Apple.

Fakteqësisht, nuk kemi arritur të gjejmë detajet specifike, mirëpo ajo që dimë është se ka kontrast 200:1, që nuk është edhe ndonjë gjë shumë e jashtëzakonshme.

DaRliN · « **Reply #43 on:** January 29, 2009, 09:50:04 PM »

Quote from: Vera™ on April 25, 2008, 02:39:30 PM

Edhe një celular me dy SIM kartela

Kohë pas kohe në treg prodhues të ndryshëm paraqesin zgjidhjet e tyre telekomunikuese të cilat janë në gjendje që njëkohësisht të pranojnë nga dy SIM kartela. I fundit në vargun e këtij lloji vjen nga kompania e Malajzisë – DuoSim.

Siç mund të pritej, kompania DuoSim pajisjen e vet të emëruar DuoSim 228 e reklamon si celularin e parë e cila njëkohësisht shfrytëzon të dy SIM kartelat, mirëpo kjo definitivisht nuk është ashtu. Në fund të vitit 2007, këtu në Telegraf, ju kemi njoftuar për tri pajisje të këtij lloji, dhe atë për modelin Samsung SGH-D880 si dhe dy modele të celularëve nga kompania Verzio.

Sa u përket çështjeve tjera teknike, DuoSim 228 është pajisje GSM 900/1.800 me ekran 2.6 inçësh të ndjeshëm në prekje, player multimedial, qasje për kartele të memories, kamerë dymegapikselëshe, Bluetooth dhe karakteristika tjera që përkojnë me këtë lloj të pajisjes. DuoSim 228 ka dimensione prej 115.7 x 51 x 15.4 milimetra, peshon 85 gramë, e mund të blihet me një çmim prej 199 dollarësh.

si ky telefon jane shume difektoz sepse jane kinez

AlbStars · « **Reply #43 on:** January 29, 2009, 09:50:04 PM »

AlbStars