Një aksident i rëndë automobilistik me pasojë vdekjen e një personi dhe plagosjen e tre të tjerëve ka ndodhur në orët e para të pasdites së sotme në Librazhd. Aksidenti ka ndodhur në aksin rrugorë Librazhd- Përrenjas, në afërsi të fshatit Qukës.
Një automjet tip Opel me targa TR 4437 është përplasur me një kamion me targa të huaja 491 CH, ku për pasojë drejtuesi i Opelit ka humbur jetën.
Policia ka bërë të mundur identifikimin e viktimës dhe dy të plagosurve. Dy të plagosurat tashmë në gjendje kome në spitalin e Librazhdit janë pjesëtarë të një familje. 45 vjeçari Demir Besini është emri i viktimës, drejtuesit të automjetit tip opel, kurse të plagosurat rëndë janë bashkëshortja e tij 37 vjeçarja Esmeralda dhe e bija 15 vjeçare Erkilda Besini.
Ndërkohë Monico Ditroski, shtetasi maqedonas që drejtonte kamionin ka mbetur i plagosur lehtë. Policia e cila mbërriti menjëherë në vendin e ngjarjes po heton për shkaqet e këtij aksidenti të rëndë. /Balkanweb/
Welcome guest
