Author Topic: OSBE: Të zhvendosurit të kthehen në Kosovë (Read 668 times)

★billis_2★ · « **on:** June 21, 2009, 01:02:33 PM »

OSBE: Të zhvendosurit të kthehen në Kosovë
OSBE paralajmëron liderët e Kosovës se rikthimi dhe ri integrimi i personave të zhvendosur në Kosovë mbetet një sfidë e madhe për respektimin e të drejtave të njeriut, pavarësisht përpjekjeve të autoriteteve kosovare.
Në një deklaratë të kreut të misionit OSBE në Kosovë, ambasadori Werner Almhofer, të bërë me rastin e Ditës Botërore të Refugjatëve, që shënohet më 20 qershor, bëhet thirrje për më shumë veprim, për të nxitur rikthimin e të shpërngulurve.

Sipas OSBE-së, kthimi i personave të larguar gjatë luftës, në shtëpitë e tyre duhet të jetë çështje prioritare e qeverisë së Prishtinës. Misioni i OKB në Kosovë monitoron të drejtat e njeriut dhe çështje të zbatimit të ligjit për kthimin e të zhvendosurve, por edhe të drejtat e tyre të strehimit, punësimit, pranimit në shërbimet publike etj.

Sipas OSBE, autoritetet lokale duhet të krijojnë një mjedis të qëndrueshëm që të shpërngulurit të kthehen. Në këtë thirrje të OSBE përfshihet dhe kthimi i 700 romëve në pjesën veriore të Mitrovicës dhe në gjithë zonat e tjera në Kosovë.

Pak ditë më parë edhe Amnesty International publikoi një raport për të zhdukurit e luftës në Kosovë si për serbët dhe për shqiptarët, duke u bërë thirrje autoriteteve të Prishtinës dhe të Beogradit të bashkëpunojnë për këtë çështje prioritare dhe fajtorët të nxirren para drejtësisë. /News24/BW/

AlbStars · « **on:** June 21, 2009, 01:02:33 PM »

AlbStars