Author Topic: Receta te kuzhines shqiptare (Read 7212 times)

Enkelana M · « **on:** May 01, 2009, 04:16:36 PM »

Sallatë me kungulleshkë

Për 1 kg. kungulleshkë duhen: vaj për skuqje (1/2 filxhan çaji), 2 lugë gjelle miell, kripë, piper, 2 lugë gjelle vaj ulliri, 2 kokrra hudhër, pak rriska qepe të kuqe, 2 lugë gjelle uthull; sallatë e gjelbër.

Kungulleshkave të njoma u hiqet cipa duke i kruar me thikë, shpëlahen dhe priten në feta. Pastaj shtohet kripë e piper, lyhen me miell nga të dyja anët dhe skuqen. Kungulleshkat e skuqura vendosen në pjatë dhe u hidhen hudhrat e shtypura me vaj ulliri e uthull, rriskat e qepëve dhe sallata e gjelbër. Kjo sallatë mund të shoqërohet dhe me kos.

Enkelana M · « **Reply #1 on:** May 01, 2009, 04:17:20 PM »

Pulë me mollë

Koha e përgatitjes: 20 minuta
Koha e gatimit: 15 minuta

Për 4 persona

* 4 gjokse pule nga 250 gr secili, 40 gr gjalpë, një lugë vaj ulliri, 3 mollë të kuqe, 3 mollë jeshile, 2 thelbi hudhër, një lugë të vogël erëza të përziera, kripë, piper, 300 ml verë molle po të jetë e mundur, ndryshe verë të bardhë, 4 lugë panë (kajmak qumështi i përpunuar).

Skuqni me flakë të ulët në një tigan jo të thellë gjokset e pulës me vajin dhe gjysmën e gjalpit për 5-6 minuta, derisa të kenë marrë ngjyrë nga të dy anët. Hiqni nga tigani dhe thajini me letër kuzhine.

Lani 2 mollë të kuqe dhe 2 jeshile, eliminoni zemrën e mollëve dhe pritni në feta. I vini të skuqen për pak kohë, derisa të ngjyrosen, në të njëjtin tigan të gjokseve të pulës, ku keni shtuar dhe hudhrën e shtypur. Tani vini përsëri në këtë tigan gjokset e pulës, shtoni erëzat dhe verën. Uleni flakën pasi të ketë vluar dhe lëreni kështu për 40 minuta.

Ndërkohë lani 2 mollët, që kanë ngelur dhe pritni në feta të holla, skuqini pak minuta në një tigan tjetër së bashku me gjalpin dhe kur t'i hiqni thajini me letër kuzhine.

Sistemoni gjokset e pulës në pjatë. Holloni çfarë ka ngelur në tigan me panënë dhe mbajeni mbi zjarr 2-3 minuta. Hidhni këtë lloj salce mbi gjokset e pulës, zbukuroni pjatën me mollët dhe servojeni.

Ju befte mire!

Enkelana M · « **Reply #2 on:** May 01, 2009, 04:18:21 PM »

Krem orizi me qumësht dhe karamele me rozmarinë

Për 6 persona

150 gram oriz; 1 litër qumësht; 3 lugë gjellë krem i trashë; 75 gram sheqer; 1 limon, vanile; 1 lugë gjelle pluhur, sheqer pluhur, pak kripë

Për karamelen: 12 lugë çaj, sheqer, 10 gram gjalpë, gjethe rozmarine të copëtuara

Vendoseni orizin për 5 minuta në një tenxhere me ujë të vluar. Pastaj kullojeni në kullesë, shpërlajeni me ujë të ftohtë dhe kullojeni përsëri.

- Jepni një valë qumështit me sheqerin dhe vanilën si dhe me një rrip lëkurë limoni dhe pak kripë. Hidhni mbi të orizin. Kur të rimarrë valë, mbylleni enën dhe lëreni të ziejë në zjarr të ngadalshëm rreth 25 minuta, derisa qumështi të jetë thithur plotësisht. Lëreni të ftohet. Bashkojeni tani me kremin e trashë. Me ndihmën e një garuzhdeje krijoni disa sfera orizi me qumësht dhe vendosini në frigorifer.

- Hapni një letër kuzhine dhe lyeni me gjalpë.

- Përgatitni karamelen: ngrohni sheqerin me tre lugët e gjellës me ujë dhe rozmarinë derisa të marrë ngjyrë kafeje të praruar.
Lëreni të ftohet për 3 minuta.

- Me ndihmën e një piruni, hiqeni karamelen dhe vendoseni në trajtë folesh mbi letrën e kuzhinës. Lëreni të ftohet në një vend të thatë.

- 30 minuta para servirimit, hiqni sferat e orizit me qumësht nga frigoriferi dhe ndajini në pjata.

- Në momentin e fundit vendosni foletë e karamelet mbi sferat e orizit.

- Rrini lehtas kremin e lëngshëm, shtoni kanellën që të shkumojë.

- Hidheni pastaj menjëherë mbi pjata.

- Servojini të freskëta

Këshillë: Përgatitni orizin me qumësht dhe karamelen që më parë dhe rriheni kremin me momentin e servimit.

Ju befte mire!

Enkelana M · « **Reply #3 on:** May 01, 2009, 04:19:13 PM »

Peshk i fërguar në mikrovalë

Gatimi i peshkut në mikrovalë i jep atij një shije sikur të ishte rreshkur apo pjekur. Pra, përfitoni pak a shumë - peshk s****. Përgatitja është shumë e lehtë dhe ju merr pak kohë.

Për 2 persona nevojiten:

* 2 koca/levrek ose çfarëdo peshku i madh
* 3-4 thelpinj hudhrash
* një grusht gjethe majdanozi
* shafran
* coriander
* piper i zi
* kripë, vaj ulliri

Pastrojeni peshkun mirë. Pritini gjethet e majdanozit. Rrethojeni peshkun me majdanozin, erëzat dhe kripën, Lëreni, ashtu për disa minuta derisa erëzat të përzihen me peshkun. Pastaj vendoseni në një pjatë ku do te shtoni dhe pakëz vaj ulliri së bashku me hudhrat. Vëreni në mikrovalë dhe kontrollojeni të piqet nga të dy anët. Mund ta lini që të rreshket sa të doni.

Enkelana M · « **Reply #4 on:** May 01, 2009, 04:19:57 PM »

Qofte të vogla me mish viçi dhe pule

Për 6 vetë:

* 600 gr. mish viçi i grirë dhe 400 gr. mish i grirë pule
* 2 lugë majdanoz
* 1 vezë
* 1 lugë uthull
* 1 qepë e grirë
* pak bukë
* 1 ****të e prerë në katrorë
* pak domate të grira
* 1 filxhan të vogël me verë të bardhë
* kripë

1. Përzieni mishin e viçit dhe të pulës dhe përgatisni brumin si për qoftet e zakonshme.

2. Përgatisni salcën: Në tigan pasi të skuqni qoftet shtoni qepë, ****të, domate, verë, kripë, piper dhe pak selino dhe e lini të ziejë për 15 min.
Përgatisni purenë me 1 paketë të çastit dhe qumësht, shtoni pjesën e mbetur të majdanozit dhe e përzieni.

3. I hidhni qoftet në tigan së bashku me salcën dhe i përzieni. Hidhni përzierjen në një tepsi, mbi të shtoni purenë dhe e përhapni si shtresë. Hidhni mbi të djathë, kaçkavall të grirë dhe i lini të piqen për 15-20 min. në 200 gradë.

Enkelana M · « **Reply #5 on:** May 01, 2009, 04:20:53 PM »

Fli Kosove

Për 4 vetë

Duhen:

Per brumin:
- 1 kg miell
- 3-4 gota ujë
- kripë

Per masën:
- 200 gr gjalpë
- 2 filxhana caji ajkë
- 3 lugë vaj

Në një enë hidhet miell, kripë, ujë i ftohtë dhe përzihen në një brumë të hollë si për petulla. Në një enë tjetër shkrihet gjalpë, ajkë, vaj dhe qumësht, përzihet masa e krijuar derisa të gjithë perberesit të jenë shkrirë në një masë të vetme, lyhet tepsia me vaj dhe me një lugë merret brumi i hollë dhe hidhet nga cepi i tepsisë deri afër mesit dhe krijohen rradhë të cilat mbulojnë gjithë tepsinë. Mesi, qe është bosh mbushet me rradhë paralele.
Gjithë sipërfaqja lyhet me masën e përgatitur dhe futet në furrën e ngrohur. Kjo piqet për 3-5 minuta. Nxirret nga furra për të vazhduar me rendin tjetër. Brumi i hollë tashmë hidhet në të njëjtën mënyrë por midis dy rradhëve derisa të jetë mbuluar e gjithë tepsia. Përsëri lyhet me masën dhe piqet për 3-5 minuta. Kjo procedurë vazhdon derisa të mbushet tepsia.

Flia lihet të ftohet për 10 minuta dhe serviret me kos, djathë ose mjaltë.

Kete recete do te perpiqem te ta gatuaj kete jave vete .............. ftoj gjithe forumin ne nje ngrenie virtuale

Enkelana M · « **Reply #6 on:** May 01, 2009, 04:21:56 PM »

Oshmare Korçe

Për 4 vetë

Duhen:

- Miell misri 3 filxhanë çaji
- qumësht 4-5 filxhanë caji
- djathë 2 filxhanë kafeje
- gjalpë 2-3 lugë gjelle
- kripë

Gatimi:

Në një enë me gjalpë, shtohet djathi dhe skuqet pak. Pastaj hidhet qumësht dhe pasi merr valë i shtohet miell misri, përzihet me shpejtësi që të mos krijohen kokërriza dhe piqet derisa të shkëputet nga anët e enës dhe të dalë yndyra. Vendoset në pjatë lugë-lugë dhe shërbehet e ngrohtë.

. ...........hani e mos u qani !!!

Enkelana M · « **Reply #7 on:** May 01, 2009, 04:22:36 PM »

Fërgesë Tirane

Për 4 vetë

Duhen:

- speca 10 copë mesatare
- domate 4-5 kokrra mesatare
- vaj 2 filxhanë kafeje
- miell 1 lugë gjelle
- vezë 2 kokrra
- hudhra 4-5 thelpinj
- gjizë 4-5 lugë gjelle
- spec djegës (sipas dëshirës)

Gatimi:

Pasi u eshte hequr bishti dhe farat, specat lahen dhe skuqen.
Në vajin qe ngelet hidhen domatet e qëruara nga cipa dhe të grira hollë, kaverdisen derisa masa
të trashet, hiqen nga zjarri dhe shtohen vezët, speci djegës, majdanozi
i grirë hollë, gjiza ose
djathi.
Masa vendoset në pjatë dhe sipër vendosen specat e fërguar.

elisi-alidem · « **Reply #8 on:** May 01, 2009, 04:23:32 PM »

Quote from: Enkelana M on May 01, 2009, 04:22:36 PM

Fërgesë Tirane

Për 4 vetë

Duhen:

- speca 10 copë mesatare
- domate 4-5 kokrra mesatare
- vaj 2 filxhanë kafeje
- miell 1 lugë gjelle
- vezë 2 kokrra
- hudhra 4-5 thelpinj
- gjizë 4-5 lugë gjelle
- spec djegës (sipas dëshirës)

Gatimi:

Pasi u eshte hequr bishti dhe farat, specat lahen dhe skuqen.
Në vajin qe ngelet hidhen domatet e qëruara nga cipa dhe të grira hollë, kaverdisen derisa masa
të trashet, hiqen nga zjarri dhe shtohen vezët, speci djegës, majdanozi
i grirë hollë, gjiza ose
djathi.
Masa vendoset në pjatë dhe sipër vendosen specat e fërguar.

harrove edhe nje got raki se ne cdo gje e shtym me raki

Enkelana M · « **Reply #9 on:** May 01, 2009, 04:23:51 PM »

Çomlek me qepë

Për 4 vetë

Duhen:

- qepë te vogla 1 kg
- vaj 2 filxhanë kafeje
- salcë 1 luge gjelle
- verë një filxhan kafeje
- hudhër një kokërr
- kripë, piper, 2 fletë dafine

Gatimi:

Qërohen qepet dhe siç janë të paprera skuqen në tigan me vaj pastaj shtohen në tenxhere.
Pastaj në tigan hidhet një kokërr qepë e grirë hollë, kaverdiset pak, shtohet salcë dhe kaverdisen së bashku, shuhen me verë të kuqe, shtohet kripë, piper, ujë dhe hudhra. Tenxherja mbulohet mirë dhe lihet në zjarr te ngadalshëm për 20-30 minuta

oreks te mire ne kete dreke .........

Enkelana M · « **Reply #10 on:** May 01, 2009, 04:26:32 PM »

Quote from: elisi-alidem on May 01, 2009, 04:23:32 PM

harrove edhe nje got raki se ne cdo gje e shtym me raki

Te befte mire

Enkelana M · « **Reply #11 on:** May 01, 2009, 04:35:19 PM »

Çomlek me qepë

Për 4 vetë

Duhen:

- qepë te vogla 1 kg
- vaj 2 filxhanë kafeje
- salcë 1 luge gjelle
- verë një filxhan kafeje
- hudhër një kokërr
- kripë, piper, 2 fletë dafine

Gatimi:

Qërohen qepet dhe siç janë të paprera skuqen në tigan me vaj pastaj shtohen në tenxhere.
Pastaj në tigan hidhet një kokërr qepë e grirë hollë, kaverdiset pak, shtohet salcë dhe kaverdisen së bashku, shuhen me verë të kuqe, shtohet kripë, piper, ujë dhe hudhra. Tenxherja mbulohet mirë dhe lihet në zjarr te ngadalshëm për 20-30 minuta

oreks te mire ne kete dreke .........

AlbStars · « **Reply #11 on:** May 01, 2009, 04:35:19 PM »

AlbStars